Sthuthi Shatakam

ಸ್ತುತಿ ಶಟಕಂ

ಪಾನ್ಡಿತ್ಯಂ ಪರಮೇಶ್ವರಿ ಸ್ತುತಿ ವಿದೌ ನೈವಾ ಶ್ರಯನ್ತೇ ಗಿರಾಂ

ವೈರಿನ್ಚಾನ್ಯಪಿ ಗುಮ್ಫನಾನಿ ವಿಗಲದ್ ಗರ್ವಾನಿ ಸರ್ವಾನಿತೇ

ಸ್ತೊತುಂ ತ್ವಾಂ ಪರಿಫುಲ್ಲ ನೀಲ ನಲಿನ ಶ್ಯಾಮಾಕಶಿ ಕಾಮಾಕ್ಶಿ ಮಾಮ್

ವಾಚಾಲೀ ಕುರುತೇ ತಥಾಪಿ ನಿತರಾಂ ತ್ವತ್ಪಾದ ಸೇವಾ ದರ:    --1

ತಾಪಿನ್ಜಸ್ತಬಕದ್ ವಿಶೇ ತನು ಭ್ರುತಾಂ ದಾರಿದ್ಯ ಮುದ್ರಾ ದ್ವಿಶೇ

ಸಮ್ಸಾರಾಕ್ಯಾ ತಮೊಮುಶೇ ಪುರರಿಪೊರ್ ವಾಮಾಂಗ ಸೀಮಾ ಜುಶೇ

ಕಂಪಾ ತೀರ ಮುಪೇ ಯುಶೇ ಕವಯತಾಂ ಜಿಹ್ವಾ ಕುಟೀಂ ಜಗ್ ಮುಶೇ

ವಿಶ್ವತ್ರಾನ ಪುಶೇ ನಮೊಸ್ತು ಸತತಂ ತಸ್ಮೈ ಪರಂಜ್ಯೊತಿಶೇ    --2

ಯೆ ಸಂದ್ಯಾ ರುನಯನ್ತಿ ಶಂಕರ ಜಟಾ ಕಾಂತಾರ ಚಂದ್ರಾರ್ ಭಕಂ

ಸಿಂದೂ ರಂತಿ ಚ ಯೇ ಪುರಂದರ ವದೂ ಸೀಮಂತ ಸೀಮಾಂತರೇ

ಪುನ್ಯಂ ಯೇ ಪರಿಪಕ್ಕ ಯಂತಿ ಭಜತಾಂ ಕಾಂಚೀಪುರೇ ಮಾಮಮೀ

ಪಯಾಸು: ಪರಮೆಶ್ವರ ಪ್ರನಯಿನೀ ಪಾದೊತ್ ಭವಾ: ಪಾಂಸವ:    --3

ಕಾಮಾ ಡಂಬರ ಪೂರಯಾ ಶಶಿರುಚಾ ಕ್ರಮಸ್ಮಿತಾನಾಂ ತ್ವಿಶಾ

ಕಾಮಾರೇರನುಗಾರ ಸಿಂದುಮದಿಕಂ ಕಲ್ಲೊಲಿತಂ ತನ್ವತೀ

ಕಾಮಾಕ್ಶೀತಿ ಸಮಸ್ತ ಸಜ್ಜನ್ ನನುತಾ ಕಲ್ಯಾನ ದಾತ್ರೀ ನ್ರುನಾಂ

ಕಾರುನ್ಯಾ ಕುಲ ಮಾನಸಾ ಭಗವತೀ ಕಂಪಾ ತಟೇ ಜ್ರುಂಬತೇ    --4

ಕಾಮಾಕ್ಶೀನ ಪರಾಕ್ರಮ ಪ್ರಕಟನಂ ಸಂಬಾವಯಂತೀ ದ್ರುಶಾ

ಶ್ಯಾಮಾ ಕ್ಷೀರ ಸಹೊದರ ಸ್ಮಿತರುಚಿ ಪ್ರಕ್ಶಾಲಿತಾ ಶಾಂತರಾ

ವಾಮಾಕ್ಶೀ ಜನ ಮೌಲಿ ಭೂಶನ ಮನಿ ವಾರ್ಚಾಂ ಪರಾ ದೇವತಾ

ಕಾಮಾಕ್ಶೀತಿ ವಿಭಾತಿ ಕಾಪಿ ಕರುನಾ ಕಂಪಾತ ಟಿನ್ಯಾಸ್ತಟೇ    --5

ಶ್ಯಾಮಾ ಕಾಚನ ಚಂದ್ರಿಕಾ ತ್ರಿಭುವನೇ ಪುನ್ಯಾತ್ ಮನಾ ಮಾನನೇ

ಸೀಮಾಶೂನ್ಯ ಕವಿತ್ವ ವರ್ಶ ಜನನೀ ಯಾ ಕಾಪಿ ಕಾದಂಬಿನೀ

ಮಾರಾರಾತಿ ಮನೊ ವಿಮೊಹನ ವಿದೌ ಕಾಚಿದ್ ತಮ: ಕಂದಲೀ

ಕಾಮಾಕ್ಶ್ಯಾ: ಕರುನಾ ಕಟಾಕ್ಶ ಲಹರೀ ಕಾಮಾಯ ಮೇ ಕಲ್ಪತಾಂ    --6

ಪ್ರೌಡತ್ ವಾಂತ ಕದಂಬಕೇ ಕುಮುದಿನೀ ಪುನ್ಯಾಂಕುರಂ ದರ್ಶಯನ್

ಜ್ಯೊತ್ಸ್ನಾ ಸಂಗ ಮನೇಪಿ ಕೊಕ ಮಿತುನಂ ಮಿಶ್ರಂ ಸಮುತ್ ಭಾವಯನ್

ಕಾಲಿಂದೀ ಲಹರೀ ದಶಾಂ ಪ್ರಕಟಯನ್ ಕ್ರಮಾಂ ನಮಸ್ಯದ್ ಬುದಾಂ

ಕಸ್ಚಿನ್ ನೆತ್ರ ಮಹೊತ್ಸವೊ ವಿಜಯತೇ ಕಾಂಚೀಪುರೇ ಶೂಲಿನ:    --7

ತಂದ್ರಾಹೀನ ತಮಾಲ ನೀಲ ಸುಶಮೈಸ್ ತಾರುನ್ಯ ಲೀಲಾ ಗ್ರುಹೈ:

ತಾರಾನಾತ ಕಿಶೊರ ಲಾಂಚಿತ ಕಚೈಸ್ ತಾಮ್ರಾರ ವಿಂದೇ ಕ್ಷನೈ:

ಮಾತ: ಸಂಶ್ರಯತಾಂ ಮನೊ ಮನಸಿಜ ಪ್ರಾಗಲ್ಬ್ಯ ನಾಡಿಂದಮೈ:

ಕಂಪಾತೀರ ಚರೈರ್ ಘನಸ್ತನ ಬರೈ: ಪುನ್ಯಾಂಕುರೈ: ಶಾಂಕರೈ:    --8

ನಿತ್ಯಂ ನಿಶ್ಚಲ ತಾಮು ಪೆತ್ಯ ಮರುತಾಂ ರಕ್ಶಾ ವಿದಿಂ ಪುಶ್ನತೀ

ತೆಜ: ಸಂಚಯ ಪಾಟವೆನ ಕಿರನಾನ್ ಉಶ್ನಾ ದ್ಯುತೆರ್ ಮುಶ್ನತೀ

ಕಾನ್ಚೀ ದೆಶ ಗತಾಪಿ ದೀಪ್ತಿ ಜನನಿ ವಿಶ್ವಾಂತರೆ ಜ್ರುಂಬತೆ

ಕಾಚಿದ್ ಚಿತ್ರ ಮಹೊ ಸ್ಮ್ರುತಾಪಿ ತಮಸಾಂ ನಿರ್ವಾಪಿಕಾ ದೀಪಿಕಾ    --9

ಕಾಂತೈ: ಕೆಶರುಚಾಂ ಚಯೈರ್ ಬ್ರಮರಿತಂ ಮಂದಸ್ಮಿತೈ: ಪುಶ್ಪಿತಂ

ಕಾಂತ್ಯಾ ಪಲ್ಲವಿತಂ ಪದಾಂ ಬುರುಹಯೊರ್ ನೆತ್ರತ್ ವಿಶಾ ಪತ್ರಿತಂ

ಕಂಪಾತೀರ ವನಾನ್ತರಂ ವಿದಧತೀ ಕಲ್ಯಾನ ಜನ್ಮಸ್ ಥಲೀ

ಕಾನ್ಚೀ ಮದ್ಯ ಮಹಾ ಮನಿರ್ ವಿಜಯತೆ ಕಾಚಿದ್ ಕ್ರುಪಾ ಕಂದಲೀ    --10

ರಾಕಚಂದ್ರ ಸಮಾನ ಕಾಂತಿ ವದನಾ ನಾಕಾದಿ ರಾಜಸ್ ತುತಾ

ಮೂಕಾನಾಮಪಿ ಕುರ್ವತೀ ಸುರದುನೀ ನೀಕಾಶ ವಾಗ್ ವೈಬವಂ

ಸ್ರೀ ಕಾನ್ಚೀ ನಗರೀ ವಿಹಾರ ರಸಿಕಾ ಶೊಕಾಪಹಂತ್ರೀ ಸತಾಂ

ಯೆಕಾಂ ಪುನ್ಯ ಪರಂಪರಾ ಪಶುಪತೆ ರಾಕಾರಿನೀ ರಾಜತೆ    --11

ಜಾತಾ ಶೀತಲ ಶೈಲತ: ಸುಕ್ರುತಿನಾಂ ದ್ರುಶ್ಯಾ ಪರಂ ದೆಹಿನಾಂ

ಲೊಕಾನಾಂ ಕ್ಶನಮಾತ್ರ ಸಂಸ್ಮರನತ: ಸಂತಾಪ ವಿಚ್ ಛೆದಿನೀ

ಆಸ್ಚರ್ಯಂ ಬಹುಖೆಲನಂ ವಿತನುತೆ ನೈಸ್ಚಲ್ಯ ಮಾಬಿ ಭ್ರತೀ

ಕಂಪಾಯಾಸ್ತಟ ಸೀಮ್ನಿ ಕಾಪಿ ತಟಿನೀ ಕಾರುನ್ಯ ಪಾತೊಮಯೀ    --12

ಐಕ್ಯಂ ಯೆನ ವಿರಚ್ ಯತೆ ಹರತನೌ ದಂಭಾವ ಪುಂಭಾವಿಕೆ

ರೆಖಾ ಯತ್ಕಚ ಸೀಮ್ನಿ ಶೆಕರ ದಶಾಂ ನೈಶಾಕರೀ ಗಾಹತೆ

ಔನ್ ನತ್ಯಂ ಪರಮೆತಿ ಯೆನಸ ಮಹಾನ್ ಮೆನಾಸಖ: ಸಾನುಮಾನ್

ಕಂಪಾತೀರ ವಿಹಾರಿಣಾ ಸಶರಣಾಸ್ ತೆನೈವ ಧಾಂನಾ ವಯಂ    --13

ಅಕ್ಶ್ ಣೊಶ್ ಚ ಸ್ತನಯೊ: ಶ್ರಿಯಾ ಶ್ರವಣಯೊರ್ ಬಾಹ್ ವೊಶ್ಚ ಮೂಲಂ ಸ್ಪ್ರುಶನ್

ಉತ್ತಂ ಸೆನ ಮುಖೆನ ನ ಪ್ರತಿ ದಿನಂ ದ್ರುಹ್ಯನ್ ಪಯೊ ಜನ್ಮನೆ

ಮಾದುರ್ಯೆಣ ಗಿರಾಂ ಗತೆನ ಮ್ರುದುನಾ ಹಂಸಾನ್ಗನಾಂ ಹ್ವೆಪಯನ್

ಕಾಂಚೀ ಸೀಮ್ನಿ ಚಕಾಸ್ತಿ ಕೊಪಿ ಕವಿತಾ ಸಂತಾನ ಬೀಜಾನ್ಕುರ:    --14

ಖನ್ಡಂ ಚಂದ್ರಮಸಂ ವತಂಸ ಮನಿಶಂ ಕಾಂಚೀಪುರೆ ಖೆಲನಂ

ಕಾಲಯಶ್ ಚವಿತಸ್ ಕರೀಂ ತನುರುಚಿಂ ಕರ್ಣೆ ಜಪೆ ಲೊಚನೆ

ತಾರುನ್ಯೊಶ್ ಮನಖಂ ಪಚಸ್ತನ ಭರಂ ಜಂಗಾಶ್ ಸ್ಪ್ರುಶಂ ಕುಂತಲಂ

ಭಾಗ್ಯಂ ದೆಶಿಕ ಸಂಚಿತಂ ಮಮ ಕದಾ ಸಂಪಾದಯೆ ದಂಬಿಕೆ    --15

ತನ್ವಾನಂ ನಿಜಕೆಲಿ ಸೌದ ಸರಣಿಂ ನೈಸರ್ಗಿ ಕೀಣಾಂ ಗಿರಾಂ

ಕೆದಾರಂ ಕವಿಮಲ್ಲ ಸೂಕ್ತಿ ಲಹರೀ ಸಸ್ಯ ಶ್ರಿಯಾಂ ಶಾಶ್ವತಂ

ಅಮ್ಹೊ ವಂಚನ ಚುಂಚು ಕಿಂಚನ ಭಜೆ ಕಾಂಚೀಪುರೀ ಮಂಡನಂ

ಪರ್ಯಾ ಯಚ್ ಚವಿ ಪಾಕ ಶಾಸನಮನೆ: ಪೌಶ್ಪೆಶವಂ ಪೌರುಶಂ    --16

ಆಲೊಕೆ ಮುಖ ಪಂಖಜೆ ಚ ದಧತೀ ಸೌಧಾಕರೀಂ ಚಾತುರೀಂ

ಚೂಡಾಲಂಕ್ರಿಯ ಮಾಣ ಪಂಖಜವನೀ ವೈರಾಗಮ ಪ್ರಕ್ರಿಯಾ

ಮುಘ್ ದಸ್ ಮೆರಮುಖೀ ಘನಸ್ತನ ತಟೀ ಮೂರ್ಚಾಲ ಮದ್ಯಾನ್ ಚಿತಾ

ಕಾಂಚೀ ಸೀಮನಿ ಕಾಮಿನೀ ವಿಜಯತೆ ಕಾಚಿಜ್ ಜಗನ್ ಮೊಹಿನೀ    --17

ಯಸ್ಮಿನ್ ನಂಬ ಭವತ್ ಕಟಾಕ್ಷ ರಜನೀ ಮನ್ದೆಪಿ ಮಂದಸ್ಮಿತ-

ಜ್ಯೊತ್ಸ್ನಾ ಸಂಸ್ನ ಪಿತಾ ಭವತ್ಯ ಭಿಮುಖೀ ತಂ ಪ್ರತ್ಯಹೊ ದೆಹಿನಂ

ದ್ರಾಕ್ಷಾ ಮಾಕ್ಷಿಕ ಮಾದುರೀ ಮದಭರ ವ್ರೀಡಾಕರೀ ವೈಖರೀ

ಕಾಮಾಕ್ಶಿ ಸ್ವಯಮಾತ ನೊತ್ಯ ಭಿಸ್ರುತಿಂ ವಾಮೆಕ್ಷಣೆವ ಕ್ಷಣಾತ್    --18

 ಕಾಲಿಂದೀ ಜಲ ಕಾಂತ್ಯ: ಸ್ಮಿತರುಚಿ ಸ್ವರ್ವಾಹಿನೀ ಪಾತಸೀ

ಪ್ರೌಡತ್ ವಾಂತರುಚ: ಸ್ಫುಟಾದರ ಮಹೊ ಲೌಹಿತ್ಯ ಸಂದ್ಯೊ ದಯೆ

ಮಾಣಿಕ್ಯೊ ಪಲ ಕುಂಡಲಾಂಶು ಶಿಕಿನಿ ವ್ಯಾಮಿಶ್ರ ಧೂಮಶ್ರಿಯ:

ಕಲ್ಯಾಣೈಕ ಭುವ: ಕಟಾಕ್ಷ ಸುಶಮಾ: ಕಾಮಾಕ್ಷಿ ರಾಜಂತಿತೆ    --19

ಕಲಕಲ ರಣತ್ ಕಾಂಚೀ ಕಾಂಚೀ ವಿಭೂಶನ ಮಾಲಿಕಾ

ಕಚಭರ ಲಸಚ್ ಚಂದ್ರಾ ಚಂದ್ರಾವತಂಸ ಸಧರ್ಮಿಣೀ

ಕವಿಕುಲಗಿರ: ಶ್ರಾವಂ ಶ್ರಾವಂ ಮಿಲತ್ ಪುಲ ಕಾಂಕುರಾ

ವಿರಚಿತ ಶಿರ: ಕಂಪಾ ಕಂಪಾತಟೆ ಜಗದಂಬಿಕಾ    --20

ಸರಸವಚಸಾಂ ವೀಚಿ ನೀಚಿಭವನ್ ಮಧು ಮಾಧುರೀ

ಭರಿತ ಭುವನಾ ಕೀರ್ತಿರ್ ಮೂರ್ತಿರ್ ಮನೊಭವ ಜಿತ್ವರೀ

ಜನನಿ ಮನಸೊ ಯೊಗ್ಯಂ ಭೊಗ್ಯಂ ನ್ರುಣಾಂ ತವ ಜಾಯತೆ

ಕಥಮಿವ ವಿನಾ ಕಾಂಚೀ ಭೂಶೆ ಕಟಾಕ್ಷ ತರಂಗಿತಂ    --21

  

ಭ್ರಮರಿತ ಸರಿತ್ ಕೂಲೆ ನೀಲೊತ್ ಪಲ ಪ್ರಭಯಾ ಆಭಯಾ

ನತಜನತಮ: ಖಂಡೀ ತುಂಡೀರ ಸೀಮ್ನಿ ವಿಜ್ರುಂಭತೆ

ಅಚಲ ತಪಸಾಮೆಕ: ಪಾಕ: ಪ್ರಸೂನ ಶರಾಸನ-

ಪ್ರತಿಭಟ ಮನೊಹಾರೀ ನಾರೀ ಕುಲೈಕ ಶಿಖಾಮಣಿ:    --22

ಮಧುರ ವಚಸೊ: ಮಂದಸ್ಮೆರಾ ಮತಂಗಜ ಗಾಮಿನ:

ತರುಣಿಮ ಜುಶಸ್ ತಾಪಿನ್ ಛಾಭಾ: ತಮ: ಪರಿಪಂತಿನ:

ಕುಚಭರನತಾ: ಕುರ್ಯುರ್ ಭದ್ರಂ ಕುರಂಗ ವಿಲೊಚನಾ:

ಕಲಿತ ಕರುಣಾ: ಕಾಂಚೀ ಭಾಜ: ಕಪಾಲಿ ಮಹೊತ್ಸವಾ:    --23

ಕಮಲ ಸುಷಮಾ ಕಕ್ಷ್ಯಾ ರೊಹೆ ವಿಚಕ್ಷನ ವೀಕ್ಷಣಾ:

ಕುಮುದ ಸುಕ್ರುತ ಕ್ರೀಡಾ ಚೂಡಾಲ ಕುಂತಲ ಬಂಧುರಾ:

ರುಚಿರ ರುಚಿಭಿ: ತಾಪಿಂಚ ಶ್ರೀ ಪ್ರಪಂಚನ ಚುಂಚವ:

ಪುರವಿಜಯಿನ: ಕಂಪಾತೀರೆ ಸ್ಫುರಂತಿ ಮನೊರಥ:    --24

ಕಲಿತರತಯಃ ಕಾಂಚೀ ಲೀಲಾವಿಧೌ ಕವಿಮಣ್ಡಲೀ-

ವಚನಲಹರೀವಾಸನ್ತೀನಾಂ  ವಸನ್ತವಿಭೂತಯಃ |

ಕುಶಲವಿಧಯೇ ಭೂಯಾಸುರ್ಮೇ ಕುರಙ್ಗವಿಲೋಚನಾಃ

ಕುಸುಮವಿಶಿಖಾರಾತೇರಕ್ಷ್ಣಾಂ ಕುತೂಹಲವಿಭ್ರಮಾಃ    --25

ಕವಲಿತತಮಸ್ಕಾಣ್ಡಾಸ್ತುಣ್ಡೀರಮನ್ಡಲಮಣ್ಡನಾಃ

ಸರಸಿಜವನೀಸಂತಾನಾನಾಮರುಂತುದಶೇಖರಾಃ |

ನಯನಸರಣೇರ್ನೇದೀಯಾಂಸಃ ಕದಾ ನು ಭವನ್ತಿ ಮೇ

ತರುಣಜಲದಶ್ಯಾಮಾಃ ಶಂಭೋಸ್ತಪಃಫಲವಿಭ್ರಮಾಃ    --26

ಅಚರಮಮಿಷುಂ ದೀನಂ ಮೀನಧ್ವಜಸ್ಯ ಮುಖಶ್ರಿಯಾ

ಸರಸಿಜಭುವೋ ಯಾನಂ ಮ್ಲಾನಂ ಗತೇನ ಚ ಮಞ್ಜುನಾ|

ತ್ರಿದಶಸದಸಾಮನ್ನಂ ಖಿನ್ನಂ ಗಿರಾ ಚ ವಿತನ್ವತೀ

ತಿಲಕಯತಿ ಸಾ ಕಮ್ಪಾತೀರಂ ತ್ರಿಲೋಚನಸುನ್ದರೀ    --27

ಜನನಿ ಭುವನೇ ಚಙ್ಕ್ರಮ್ಯೇಽಹಂ ಕಿಯನ್ತಮನೇಹಸಂ

ಕುಪುರುಷಕರಭ್ರಷ್ಟೈರ್ದುಷ್ಟೈರ್ಧನೈರುದರಂಭರಿಃ|

ತರುಣಕರುಣೇ ತನ್ದ್ರಾಶೂನ್ಯೇ ತರಙ್ಗಯ ಲೋಚನೇ

ನಮತಿ ಮಯಿ ತೇ ಕಿಞ್ಚಿತ್ಕಾಞ್ಚೀಪುರೀಮಣಿದೀಪಿಕೇ    --28

ಮುನಿಜನಮನಃಪೇಟೀರತ್ನಂ ಸ್ಫುರತ್ಕರುಣಾನಟೀ-

ವಿಹರಣಕಲಾಗೇಹಂ ಕಾಞ್ಚೀಪುರೀಮಣಿಭೂಷಣಮ್ |

ಜಗತಿ ಮಹತೋ ಮೋಹವ್ಯಾಧೇರ್ನೃಣಾಂ ಪರಮೌಷಧಂ

ಪುರಹರದೃಶಾಂ ಸಾಫಲ್ಯಂ ಮೇ ಪುರಃ ಪರಿಜೃಂಭತಾಮ್    --29

ಮುನಿಜನಮನೋಧಾಮ್ನೇ ಧಾಮ್ನೇ ವಚೋಮಯಜಾಹ್ನವೀ –

ಹಿಮಗಿರಿತಟಪ್ರಾಗ್ಭಾರಾಯಾಕ್ಷರಾಯ ಪರಾತ್ಮನೇ |

ವಿಹರಣಜುಷೇ ಕಾಞ್ಚೀದೇಶೇ ಮಹೇಶ್ವರಲೋಚನ-

ತ್ರಿತಯಸರಸಕ್ರೀಡಾಸೌಧಾಙ್ಗಣಾಯ ನಮೋ ನಮಃ    --30

ಮರಕತರುಚಾಂ ಪ್ರತ್ಯಾದೇಶಂ ಮಹೇಶ್ವರಚಕ್ಷುಷಾ-

ಮಮೃತಲಹರೀಪೂರಂ ಪಾರಂ ಭವಾಖ್ಯಪಯೋನಿಧೇಃ |

ಸುಚರಿತಫಲಂ ಕಾಞ್ಚೀಭಾಜೋ ಜನಸ್ಯ ಪಚೇಲಿಮಂ

ಹಿಮಶಿಖರಿಣೋ ವಂಶಸ್ಯೈಕಂ ವತಂಸಮುಪಾಸ್ಮಹೇ    --31

ಪ್ರಣಮನದಿನಾರಮ್ಭೇ  ಕಮ್ಪಾನದೀಸಖಿ ತಾವಕೇ

ಸರಸಕವಿತೋನ್ಮೇಷಃ ಪೂಷಾ ಸತಾಂ ಸಮುದಞ್ಚಿತಃ|

ಪ್ರತಿಭಟಮಹಾಪ್ರೌಢಪ್ರೋದ್ಯತ್ಕವಿತ್ವಕುಮುದ್ವತೀಂ

ನಯತಿ ತರಸಾ ನಿದ್ರಾಮುದ್ರಾಂ ನಗೇಶ್ವರಕನ್ಯಕೇ    --32

ಶಮಿತಜಡಿಮಾರಮ್ಭಾ ಕಮ್ಪಾತಟೀನಿಕಟೆಚರೀ

ನಿಹತದುರಿತಸ್ತೋಮಾ ಸೋಮಾರ್ಧಮುದ್ರಿತಕುನ್ತಲಾ|

ಫಲಿತಸುಮನೋವಾಞ್ಛಾ ಪಾಞ್ಚಾಯುಧೀ ಪರದೇವತಾ

ಸಫಲಯತು ಮೇ ನೇತ್ರೇ ಗೋತ್ರೇಶ್ವರಪ್ರಿಯನನ್ದಿನೀ    --33

ಮಮ ತು ಧಿಷಣಾ ಪೀಡ್ಯಾ ಜಾಡ್ಯಾತಿರೇಕ ಕಥಂ ತ್ವಯಾ

ಕುಮುದಸುಷಮಾಮೈತ್ರೀಪಾತ್ರೀವತಂಸಿತಕುನ್ತಲಾಮ್|

ಜಗತಿ ಶಮಿತಸ್ತಮ್ಭಾಂ ಕಮ್ಪಾನದೀನಿಲಯಾಮಸೌ

ಶ್ರಯತಿ ಹಿ ಗಲತ್ತನ್ದ್ರಾ ಚನ್ದ್ರಾವತಂಸಸಧರ್ಮಿಣೀಮ್    --34

ಪರಿಮಲಪರೀಪಾಕೋದ್ರೇಕಂ ಪಯೋಮುಚಿ ಕಾಞ್ಚನೇ

ಶಿಖರಿಣಿ ಪುನರ್ದ್ವೈಧೀಭಾವಂ ಶಶಿನ್ಯರುಣಾತಪಮ್|

ಅಪಿ ಚ ಜನಯನ್ಕಮ್ಬೋರ್ಲಕ್ಷ್ಮೀಮನಮ್ಬುನಿ ಕೋಽಪ್ಯಸೌ

ಕುಸುಮಧನುಷಃ ಕಾಞ್ಚೀದೇಶೇ ಚಕಾಸ್ತಿ ಪರಾಕ್ರಮಃ    --35

ಪುರದಮಯಿತುರ್ವಾಮೋತ್ಸಙ್ಗಸ್ಥಲೇನ ರಸಜ್ಞಯಾ

ಸರಸಕವಿತಾಭಾಜಾ ಕಾಞ್ಚೀಪುರೋದರಸೀಮಯಾ

ತಟಪರಿಸರೈರ್ನೀಹಾರಾದ್ರೇರ್ವಚೋಭಿರಕೃತ್ರಿಮೈಃ

ಕಿಮಿವ ನ ತುಲಾಮಸ್ಮಚ್ಚೇತೋ ಮಹೇಶ್ವರಿ ಗಾಹತೇ    --36

ನಯನಯುಗಲೀಮಸ್ಮಾಕೀನಾಂ ಕದಾ ನು ಫಲೇಗ್ರಹೀಂ

ವಿದಧತಿ ಗತೌ ವ್ಯಾಕುರ್ವಾಣಾ ಗಜೇನ್ದ್ರಚಮತ್ಕ್ರಿಯಾಮ್|

ಮರಕತರುಚೋ ದೇಹೇ ಮಾಹೇಶ್ವರಾಃ ಸ್ತನನಮ್ರಿತಾಃ

ಸುಕೃತವಿಭವಾಃ ಪ್ರಾಂಚ್ಯ ಕಾಂಚೀ ವತಂಸಧುರಂಧರಾಃ    --37

ಮನಸಿಜಯಶಃಪಾರಸ್ಪರ್ಯಂ  ಮರನ್ದಝರೀಸುವಾಂ

ಕವಿಕುಲಗಿರಾಂ ಕನ್ದಂ ಕಮ್ಪಾನದೀತಟಮಣ್ಡನಮ್|

ಮಧುರಲಲಿತಂ ಮತ್ಕಂ ಚಕ್ಷುರ್ಮನೀಷಿಮನೋಹರಂ

ಪುರವಿಜಯಿನಃ ಸರ್ವಸ್ವಂ ತತ್ಪುರಸ್ಕುರುತೇ ಕದಾ    --38

ಶಿಥಿಲಿತತಮೋಲೀಲಾಂ ನೀಲಾರವಿನ್ದವಿಲೋಚನಾಂ

ದಹನವಿಲಸತ್ಫಾಲಾಂ ಶ್ರೀಕಾಮಕೋಟಿಮುಪಾಸ್ಮಹೇ|

ಕರಧೃತಲಸಚ್ಛೂಲಾಂ ಕಾಮಾರಿಚಿತ್ತಹರಾಂ ಪರಾಂ

ಮನಸಿಜಕೃಪಾಲೀಲಾಂ ಲೋಲಾಲಕಾಮಲಿಕೇಕ್ಷಣಾಮ್    --39

ಕಲಾಲೀಲಾಶಾಲಾ ಕವಿಕುಲವಚಃ ಕೈರವವನೀ-

ಶರತ್ಜ್ಯೋತ್ಸ್ನಾಧಾರಾ ಶಶಧರಶಿಶುಶ್ಲಾಘ್ಯಮುಕುಟೀ|

ಪುನೀತೇ ನಃ ಕಮ್ಪಾಪುಲಿನತಟಸೌಹಾರ್ದತರಲಾ

ಕದಾ ಚಕ್ಷುರ್ಮಾರ್ಗಂ ಕನಕಗಿರಿಧಾನುಷ್ಕಮಹಿಷೀ    --40

ನಮಃ ಸ್ಯಾನ್ನಮ್ರೇಭ್ಯಃ ಸ್ತನಗರಿಮಗರ್ವೇಣ ಗುರುಣಾ

ದಧಾನೇಭ್ಯಶ್ಚೂಡಾಭರಣಮಮೃತಸ್ಯನ್ದಿಶಿಶಿರಮ್ |

ಸದಾ ವಾಸ್ತವ್ಯೇಭ್ಯಃ ಸವಿಧಭುವಿ ಕಮ್ಪಾಖ್ಯಸರಿತೋ

ಯಶೋವ್ಯಾಪಾರೇಭ್ಯಃ ಸುಕೃತವಿಭವೇಭ್ಯಃ ಪಶುಪತೇಃ    --41

ಅಸೂಯನ್ತೀ ಕಾಚಿನ್ಮರಕತರುಚೋ ನಾಕಿಮುಕುಟೀ-

ಕದಮ್ಬಂ ಚುಮ್ಬನ್ತೀ ಚರಣನಖಚನ್ದ್ರಾಂಶುಪಟಲೈಃ|

ತಮೋಮುದ್ರಾಂ ವಿದ್ರಾವಯತು ಮಮ ಕಾಞ್ಚೀನಿಲಯನಾ

ಹರೋತ್ಸಙ್ಗಶ್ರೀಮನ್ಮಣಿಗೃಹಮಹಾದೀಪಕಲಿಕಾ    --42

ಅನಾದ್ಯನ್ತಾ ಕಾಚಿತ್ಸುಜನನಯನಾನನ್ದಜನನೀ

ನಿರುನ್ಧಾನಾ ಕಾನ್ತಿಂ ನಿಜರುಚಿವಿಲಾಸೈರ್ಜಲಮುಚಾಮ್|

ಸ್ಮರಾರೇಸ್ತಾರಲ್ಯಂ ಮನಸಿ ಜನಯನ್ತೀ ಸ್ವಯಮಹೋ

ಗಲತ್ಕಮ್ಪಾ ಶಮ್ಪಾ ಪರಿಲಸತಿ ಕಮ್ಪಾಪರಿಸರೇ    --43

ಸುಧಾಡಿಣ್ಡೀರಶ್ರೀಃ ಸ್ಮಿತರುಚಿಷು ತುಣ್ಡೀರವಿಷಯಂ

ಪರಿಷ್ಕುರ್ವಾಣಾಸೌ ಪರಿಹಸಿತನೀಲೋತ್ಪಲರುಚಿಃ|

ಸ್ತನಾಭ್ಯಾಮಾನಮ್ರಾ ಸ್ತಬಕಯತು ಮೇ ಕಾಂಕ್ಷಿತತರುಂ

ದೃಶಾಮೈಶಾನೀನಾಂ ಸುಕೃತಫಲಪಾಣ್ಡಿತ್ಯಗರಿಮಾ    --44

ಕೃಪಾಧಾರಾ ದ್ರೋಣೀ ಕೃಪಣಧಿಷಣಾನಾಂ ಪ್ರಣಮತಾಂ

ನಿಹನ್ತ್ರೀ ಸಂತಾಪಂ ನಿಗಮಮಕುಟೋತ್ತಂಸಕಲಿಕಾ|

ಪರಾ ಕಾಞ್ಚೀಲೀಲಾಪರಿಚಯವತೀ ಪರ್ವತಸುತಾ

ಗಿರಾಂ ನೀವೀ ದೇವೀ ಗಿರಿಶಪರತನ್ತ್ರಾ ವಿಜಯತೇ    --45

ಕವಿತ್ವಶ್ರೀಕನ್ದಾ ಸುಕೃತಪರಿಪಾಟೀ ಹಿಮಗಿರೇ-

ರ್ವಿಧಾತ್ರೀ ವಿಶ್ವೇಷಾಂ ವಿಷಮಶರವೀರಧ್ವಜಪಟೀ  |

ಸಖೀ ಕಂಪಾನದ್ಯಾಃ ಪದಹಸಿತಪಾಥೋಜಯುಗಲೀ

ಪುರಾಣೀ ಪಾಯಾನ್ನಃ ಪುರಮಥನಸಾಮ್ರಾಜ್ಯಪದವೀ    --46

ದರಿದ್ರಾಣಾಂ ಮಧ್ಯೇ ದರದಲಿತತಾಪಿಞ್ಛಸುಷಮಾಃ

ಸ್ತನಾಭೋಗಕ್ಲಾನ್ತಾಸ್ತರುಣಹರಿಣಾಙ್ಕಾಙ್ಕಿತಕಚಾಃ|

ಹರಾಧೀನಾಃ ನಾನಾವಿಧವಿಬುಧಮುಕುಟೀಚುಮ್ಬಿತಪದಾಃ

ಕದಾ ಕಮ್ಪಾತೀರೇ ಕಥಯ ವಿಹರಾಮೋ ಗಿರಿಸುತೇ    --47

ವರೀವರ್ತು ಸ್ಥೇಮಾ ತ್ವಯಿ ಮಮ ಗಿರಾಂ ದೇವಿ ಮನಸೋ

ನರೀನರ್ತು ಪ್ರೌಢಾ ವದನಕಮಲೇ ವಾಕ್ಲಹರೀ|

ಚರೀಚರ್ತು ಪ್ರಜ್ಞಾಜನನಿ ಜಡಿಮಾ ನಃ ಪರಜನೇ

ಸರೀಸರ್ತು ಸ್ವೈರಂ ಜನನಿ ಮಯಿ ಕಾಮಾಕ್ಷಿ ಕರುಣಾ    --48

ಕ್ಷಣಂ ತೇ ಕಾಮಾಕ್ಷಿ ಭ್ರಮರಸುಷಮಾಶಿಕ್ಷಣಗುರುಃ

ಕಟಾಕ್ಷವ್ಯಾಕ್ಷೇಪೋ ಮಮ ಭವತು ಮೋಕ್ಷಾಯ ವಿಪದಾಮ್|

ನರೀನರ್ತು ಸ್ವೈರಂ ವಚನಲಹರೀ ನಿರ್ಜರಪುರೀ-

ಸರಿದ್ವೀಚೀನೀಚೀಕರಣಪಟುರಾಸ್ಯೇ ಮಮ ಸದಾ    --49

ಪುರಸ್ತಾನ್ಮೇ ಭೂಯಃ ಪ್ರಶಮನಪರಃ ಸ್ಯಾನ್ಮಮ ರುಜಾಂ

ಪ್ರಚಾರಸ್ತೇ ಕಮ್ಪಾತಟವಿಹೃತಿಸಂಪಾದಿನಿ ದೃಶೋಃ

ಇಮಾಂ ಯಾಚ್ಞಾಮೂರೀಕುರು ಸಪದಿ ದೂರೀಕುರು ತಮಃ-

ಪರೀಪಾಕಂ ಮತ್ಕಂ ಸಪದಿ ಬುಧಲೋಕಂ ಚ ನಯ ಮಾಮ್    --50

ಉದಞ್ಚನ್ತೀ ಕಾಞ್ಚೀನಗರನಿಲಯೇ ತ್ವತ್ಕರುಣಯಾ

ಸಮೃದ್ಧಾ ವಾಗ್ಧಾಟೀ ಪರಿಹಸಿತಮಾಧ್ವೀ ಕವಯತಾಮ್ |

ಉಪಾದತ್ತೇ ಮಾರಪ್ರತಿಭಟಜಟಾಜೂಟಮುಕುಟೀ-

ಕುಟೀರೋಲ್ಲಾಸಿನ್ಯಾಃ ಶತಮಖತಟಿನ್ಯಾ ಜಯಪಟೀಮ್    --51

ಶ್ರಿಯಂ ವಿದ್ಯಾಂ ದದ್ಯಾಜ್ಜನನಿ ನಮತಾಂ ಕೀರ್ತಿಮಮಿತಾಂ

ಸುಪುತ್ರಾನ್ ಪ್ರಾದತ್ತೇ ತವ ಝಟಿತಿ ಕಾಮಾಕ್ಷಿ ಕರುಣಾ

ತ್ರಿಲೋಕ್ಯಾಮಾಧಿಕ್ಯಂ ತ್ರಿಪುರಪರಿಪನ್ಥಿಪ್ರಣಯಿನಿ

ಪ್ರಣಾಮಸ್ತ್ವತ್ಪಾದೇ ಶಮಿತದುರಿತೇ ಕಿಂ ನ ಕುರುತೇ    --52

ಮನಃಸ್ತಂಭಂ ಸ್ತಮ್ಭಂ ಗಮಯದುಪಕಂಪಂ ಪ್ರಣಮತಾಂ

ಸದಾ ಲೋಲಂ ನೀಲಂ ಚಿಕುರಜಿತಲೋಲಮ್ಬನಿಕರಮ್|

ಗಿರಾಂ ದೂರಂ ಸ್ಮೇರಂ ಧೃತಶಶಿಕಿಶೋರಂ ಪಶುಪತೇ-

ರ್ದೃಶಾಮ್ ಭೋಗ್ಯಂ ಯೋಗ್ಯಂ ತುಹಿನಗಿರಿಭಾಗ್ಯಂ ವಿಜಯತೇ    --53

ಘನಶ್ಯಾಮಾನ್ ಕಾಮಾನ್ತಕಮಹಿಷಿ ಕಾಮಾಕ್ಷಿ ಮಧುರಾ-

ನ್ದೃಶಾಂ ಪಾತಾನೇತಾನಮೃತಜಲಶೀತಾನನುಪಮಾನ್|

ಭವೋತ್ಪಾತೇ ಭೀತೇ ಮಯಿ ವಿತರ ನಾಥೇ ದೃಢಭವ-

ನ್ಮನಃಶೋಕೇ ಮೂಕೇ ಹಿಮಗಿರಿಪತಾಕೇ ಕರುಣಯಾ    --54

ನತಾನಾಂ ಮನ್ದಾನಾಂ ಭವನಿಗಲಬನ್ಧಾಕುಲಧಿಯಾಂ

ಮಹಾನ್ಧ್ಯಂ ರುನ್ಧಾನಾಮಭಿಲಷಿತಸಂತಾನಲತಿಕಾಮ್|

ಚರನ್ತೀಂ ಕಮ್ಪಾಯಾಸ್ತಟಭುವಿ ಸವಿತ್ರೀಂ ತ್ರಿಜಗತಾಂ

ಸ್ಮರಾಮಸ್ತಾಂ ನಿತ್ಯಂ ಸ್ಮರಮಥನಜೀವಾತುಕಲಿಕಾಮ್    --55

ಪರಾ ವಿದ್ಯಾ ಹೃದ್ಯಾಶ್ರಿತಮದನವಿದ್ಯಾ ಮರಕತ-

ಪ್ರಭಾನೀಲಾ ಲೀಲಾಪರವಶಿತಶೂಲಾಯುಧಮನಾಃ |

ತಮಃಪೂರಂ ದೂರಂ ಚರಣನತಪೌರನ್ದರಪುರೀ-

ಮೃಗಾಕ್ಷೀ ಕಾಮಾಕ್ಷೀ ಕಮಲತರಲಾಕ್ಷೀ ನಯತು ಮೇ    --56

ಅಹನ್ತಾಖ್ಯಾ ಮತ್ಕಂ ಕಬಲಯತಿ ಹಾ ಹನ್ತ ಹರಿಣೀ

ಹಠಾತ್ಸಂವಿದ್ರೂಪಂ ಹರಮಹಿಷಿ ಸಸ್ಯಾಙ್ಕುರಮಸೌ|

ಕಟಾಕ್ಷವ್ಯಾಕ್ಷೇಪಪ್ರಕಟಹರಿಪಾಷಾಣಪಟಲೈ-

ರಿಮಾಮುಚ್ಚೈರುಚ್ಚಾಟಯ ಝಟಿತಿಕಾಮಾಕ್ಷಿ ಕೃಪಯಾ    --57

ಬುಧೇ ವಾ  ಮೂಕೇ ವಾ ತವ ಪತತಿ ಯಸ್ಮಿನ್ಕ್ಷಣಮಸೌ

ಕಟಾಕ್ಷಃ ಕಾಮಾಕ್ಷಿ ಪ್ರಕಟಜಡಿಮಕ್ಷೋದಪಟಿಮಾ|

ಕಥಂಕಾರಂ ನಾಸ್ಮೈ ಕರಮುಕುಲಚೂಡಾಲಮುಕುಟಾ

ನಮೋವಾಕಂ ಬ್ರೂಯುರ್ನಮುಚಿಪರಿಪನ್ಥಿಪ್ರಭೃತಯಃ    --58

ಪ್ರತೀಚೀಂ ಪಶ್ಯಾಮಃ ಪ್ರಕಟರುಚಿನೀವಾರಕಣಿಶ-

ಪ್ರಭಾಸಧ್ರೀಚೀನಾಂ ಪ್ರದಲಿತಷಡಾಧಾರಕಮಲಾಮ್|

ಚರನ್ತೀಂ ಸೌಷುಮ್ಣೇ ಪಥಿ ಪರಪದೇನ್ದುಪ್ರವಿಗಲ-

ತ್ಸುಧಾರ್ದ್ರಾಂ ಕಾಮಾಕ್ಷೀಂ ಪರಿಣತಪರಜ್ಯೋತಿರುದಯಾಮ್    --59

ಜಮ್ಭಾರಾತಿಪ್ರಭೃತಿಮುಕುಟೀಃ ಪಾದಯೋಃ ಪೀಠಯನ್ತೀ

ಗುಮ್ಫಾನ್ವಾಚಾಂ ಕವಿಜನಕೃತಾನ್ಸ್ವೈರಮಾರಾಮಯನ್ತೀ

ಶಮ್ಪಾಲಕ್ಷ್ಮೀಂ ಮಣಿಗಣರುಚಾಪಾಟಲೈಃ ಪ್ರಾಪಯನ್ತೀ

ಕಮ್ಪಾತೀರೇ ಕವಿಪರಿಷದಾಂ ಜೃಮ್ಭತೇ ಭಾಗ್ಯಸೀಮಾ    --60

ಚನ್ದ್ರಾಪೀಡಾಂ ಚತುರವದನಾಂ ಚಞ್ಚಲಾಪಾಙ್ಗಲೀಲಾಂ

ಕುನ್ದಸ್ಮೇರಾಂ ಕುಚಭರನತಾಂ ಕುನ್ತಲೋದ್ಧೂತಭೃಙ್ಗಾಮ್ |

ಮಾರಾರಾತೇರ್ಮದನಶಿಖಿನಂ ಮಾಂಸಲಂ ದೀಪಯನ್ತೀಂ

ಕಾಮಾಕ್ಷೀಂ ತಾಂ ಕವಿಕುಲಗಿರಾಂ ಕಲ್ಪವಲ್ಲೀಮುಪಾಸೇ    --61

ಕಾಲಾಮ್ಭೋದಪ್ರಕರಸುಷಮಾಂ ಕಾನ್ತಿಭಿಸ್ತರ್ಜಯನ್ತೀ

ಕಲ್ಯಾಣಾನಾಮುದಯಸರಣಿಃ ಕಲ್ಪವಲ್ಲೀ ಕವೀನಾಮ್|

ಕನ್ದರ್ಪಾರೇಃ ಪ್ರಿಯಸಹಚರೀ ಕಲ್ಮಷಾಣಾಂ ನಿಹನ್ತ್ರೀ

ಕಾಞ್ಚೀದೇಶಂ ತಿಲಕಯತಿ ಸಾ ಕಾಪಿ ಕಾರುಣ್ಯಸೀಮಾ    --62

ಊರೀಕುರ್ವನ್ನುರಸಿಜತಟೇ ಚಾತುರೀಂ ಭೂಧರಾಣಾಂ

ಪಾಥೋಜಾನಾಂ ನಯನಯುಗಲೇ ಪಾರಿಪನ್ಥ್ಯಂ ವಿತನ್ವನ್|

ಕಮ್ಪಾತೀರೇ ವಿಹರತಿ ರುಚಾ ಮೋಘಯನ್ಮೇಘಶೈಲೀಂ

ಕೋಕದ್ವೇಷಂ ಶಿರಸಿ ಕಲಯನ್ ಕೋಪಿ ವಿದ್ಯಾವಿಶೇಷಃ    --63

ಕಾಞ್ಚೀಲೀಲಾಪರಿಚಯವತೀ ಕಾಪಿ ತಾಪಿಞ್ಛಲಕ್ಷ್ಮೀ

ರ್ಜಾಡ್ಯಾರಣ್ಯೇ ಹುತವಹಶಿಖಾ ಜನ್ಮಭೂಮಿಃ ಕೃಪಾಯಾಃ|

ಮಾಕನ್ದಶ್ರೀಮಧುರಕವಿತಾಚಾತುರೀ ಕೋಕಿಲಾನಾಂ

ಮಾರ್ಗೇ ಭೂಯಾನ್ಮಮ ನಯನಯೋರ್ಮಾನ್ಮಥೀ ಕಾಪಿ ವಿದ್ಯಾ    --64

ಸೇತುರ್ಮಾತರ್ಮರಕತಮಯೋ ಭಕ್ತಿಭಾಜಾಂ ಭವಾಬ್ಧೌ

ಲೀಲಾಲೋಲಾ ಕುವಲಯಮಯೀ ಮಾನ್ಮಥೀ ವೈಜಯನ್ತೀ|

ಕಾಞ್ಚೀಭೂಷಾ ಪಶುಪತಿದೃಶಾಂ ಕಾಪಿ ಕಾಲಾಞ್ಜನಾಲೀ

ಮತ್ಕಂ ದುಃಖಂ ಶಿಥಿಲಯತು ತೇ ಮಞ್ಜುಲಾಪಾಙ್ಗಮಾಲಾ    --65

ವ್ಯಾವೃಣ್ವಾನಾಃ ಕುವಲಯದಲಪ್ರಕ್ರಿಯಾವೈರಮುದ್ರಾಂ

ವ್ಯಾಕುರ್ವಾಣಾ ಮನಸಿಜಮಹಾರಾಜಸಾಮ್ರಾಜ್ಯಲಕ್ಷ್ಮೀಮ್  |

ಕಾಞ್ಚೀಲೀಲಾವಿಹೃತಿರಸಿಕೇ ಕಾಙ್ಕ್ಷಿತಂ ನಃ ಕ್ರಿಯಾಸು-

ರ್ಬನ್ಧಚ್ಛೇದೇ ತವ ನಿಯಮಿನಾಂ ಬದ್ಧದೀಕ್ಷಾಃ ಕಟಾಕ್ಷಾಃ    --66

ಕಾಲಾಮ್ಭೋದಂ ಶಶಿರುಚಿ ದಲಂ ಕೈತಕಂ ದರ್ಶಯನ್ತೀ

ಮಧ್ಯೇ ಸೌದಾಮಿನಿ ಮಧುಲಿಹಾಂ ಮಾಲಿಕಾಂ ರಾಜಯನ್ತೀ

ಹಂಸಾರಾವಂ ವಿಕಚಕಮಲೇಮಞ್ಜುಮುಲ್ಲಾಸಯನ್ತೀ

ಕಮ್ಪಾತೀರೇ ವಿಲಸತಿ ನವಾ ಕಾಪಿ ಕಾರುಣ್ಯಲಕ್ಷ್ಮೀಃ    --67

ಚಿತ್ರಂ ಚಿತ್ರಂ ನಿಜಮೃದುತಯಾ ಭರ್ತ್ಸಯನ್ಪಲ್ಲವಾಲೀಂ

ಪುಂಸಾಂ ಕಾಮಾನ್ಭುವಿ ಚ ನಿಯತಂ ಪೂರಯನ್ಪುಣ್ಯಭಾಜಾಮ್|

ಜಾತಃ ಶೈಲಾನ್ನ ತು ಜಲನಿಧೇಃ ಸ್ವೈರಸಂಚಾರಶೀಲೀ

ಕಾಞ್ಚೀಭೂಷಾ ಕಲಯತು ಶಿವಂ ಕೋಽಪಿ ಚಿನ್ತಾಮಣಿರ್ಮೇ    --68

ತಾಮ್ರಾಮ್ಭೋಜಂ ಜಲದನಿಕಟೇ ತತ್ರ ಬನ್ಧೂಕಪುಷ್ಪಂ

ತಸ್ಮಿನ್ಮಲ್ಲೀಕುಸುಮಸುಷಮಾಂ ತತ್ರ ವೀಣಾನಿನಾದಮ್|

ವ್ಯಾವೃಣ್ವಾನಾ ಸುಕೃತಲಹರೀ ಕಾಪಿ ಕಾಞ್ಚೀನಗರ್ಯಾ-

ಮೈಶಾನೀ ಸಾ ಕಲಯತಿತರಾಮೈನ್ದ್ರಜಾಲಂ ವಿಲಾಸಮ್    --69

ಆಹಾರಾಂಶಂ ತ್ರಿದಶಸದಸಾಮಾಶ್ರಯೇ ಚಾತಕಾನಾ-

ಮಾಕಾಶೋಪರ್ಯಪಿ ಚ ಕಲಯನ್ನಾಲಯಂ ತುಙ್ಗಮೇಷಾಮ್|

ಕಮ್ಪಾತೀರೇ ವಿಹರತಿತರಾಂ ಕಾಮಧೇನುಃ ಕವೀನಾಂ

ಮನ್ದಸ್ಮೇರೋ ಮದನನಿಗಮಪ್ರಕ್ರಿಯಾಸಂಪ್ರದಾಯಃ    --70

ಆರ್ದ್ರೀಭೂತೈರವಿರಲಕೃಪೈರಾತ್ತಲೀಲಾವಿಲಾಸೈ-

ರಾಸ್ಥಾಪೂರ್ಣೈರಧಿಕಚಪಲೈರಞ್ಚಿತಾಮ್ಭೋಜಶಿಲ್ಪೈಃ |

ಕಾನ್ತೈರ್ಲಕ್ಷ್ಮೀಲಲಿತಭವನೈಃ ಕಾನ್ತಿಕೈವಲ್ಯಸಾರೈಃ

ಕಾಶ್ಮಲ್ಯಂ ನಃ ಕಬಲಯತು ಸಾ ಕಾಮಕೋಟೀ ಕಟಾಕ್ಷೈಃ    --71

ಆಧೂನ್ವನ್ತ್ಯೈ ತರಲನಯನೈರಾಙ್ಗಜೀಂ ವೈಜಯನ್ತೀ-

ಮಾನನ್ದಿನ್ಯೈ ನಿಜಪದಜುಷಾಮಾತ್ತಕಾಞ್ಚೀಪುರಾಯೈ|

ಆಸ್ಮಾಕೀನಂ ಹೃದಯಮಖಿಲೈರಾಗಮಾನಾಂ ಪ್ರಪಞ್ಚೈ-

ರಾರಾಧ್ಯಾಯೈ ಸ್ಪೃಹಯತಿತರಮಾದಿಮಾಯೈ ಜನನ್ಯೈ    --72

ದೂರಂ ವಾಚಾಂ ತ್ರಿದಶಸದಸಾಂ ದುಃಖಸಿನ್ಧೋಸ್ತರಿತ್ರಂ

ಮೋಹಕ್ಷ್ವೇಲಕ್ಷಿತಿರುಹವನೇ ತೀಕ್ಷ್ಣಧಾರಂ ಕುಠಾರಮ್|

ಕಮ್ಪಾತೀರಪ್ರಣಯಿ ಕವಿಭಿರ್ವರ್ಣಿತೋದ್ಯಚ್ಚರಿತ್ರಂ

ಶಾನ್ತ್ಯೈ ಸೇವೇ ಸಕಲವಿಪದಾಂ ಶಾಂಕರಂ ತತ್ಕಲತ್ರಮ್    --73

ಖಣ್ಡೀಕೃತ್ಯ ಪ್ರಕೃತಿಕುಟಿಲಂ ಕಲ್ಮಷಂ ಪ್ರಾತಿಭಶ್ರೀ-

ಶುಣ್ಡೀರತ್ವಂ ನಿಜಪದಜುಷಾಂ ಶೂನ್ಯತನ್ದ್ರಂ ದಿಶನ್ತೀ|

ತುಣ್ಡೀರಾಖ್ಯೇ ಮಹತಿ ವಿಷಯೇ ಸ್ವರ್ಣವೃಷ್ಟಿಪ್ರದಾತ್ರೀ

ಚಣ್ಡೀ ದೇವೀ ಕಲಯತಿ ರತಿಂ ಚನ್ದ್ರಚೂಡಾಲಚೂಡೇ    --74

ಯೇನ ಖ್ಯಾತೋ ಭವತಿ ಸ ಗೃಹೀ ಪೂರುಷೋ ಮೇರುಧನ್ವಾ

ಯದ್ದೃಕ್ಕೋಣೇ ಮದನನಿಗಮಪ್ರಾಭವಂ ಬೋಭವೀತಿ|

ಯತ್ಪ್ರೀತ್ಯೈವ ತ್ರಿಜಗಗದಧಿಪೋ ಜೃಂಭತೇ ಕಿಂಪಚಾನಃ

ಕಮ್ಪಾತೀರೇ ಸ ಜಯತಿ ಮಹಾನ್ಕಶ್ಚಿದೋಜೋವಿಶೇಷಃ    --75

ಧನ್ಯಾ ಧನ್ಯಾ ಗತಿರಿಹ ಗಿರಾಂ ದೇಹಿ ಕಾಮಾಕ್ಷಿ ಕಾಮಂ

ನಿನ್ದ್ಯಾಂ ಭಿನ್ದ್ಯಾತ್ಸಪದಿಜಡತಾಂ ಕಲ್ಮಷಾದುನ್ಮಿಷನ್ತೀಮ್ |

ಸಾಧ್ವೀ ಮಾಧ್ವೀರಸಮಧುರತಾಭಞ್ಜಿನೀ ಮಞ್ಜುರೀತಿ-

ರ್ವಾಣೀವೇಣೀ ಝಟಿತಿ ವೃಣುತಾತ್ಸ್ವರ್ಧುನೀಸ್ಪರ್ಧಿನೀ ಮಾಮ್    --76

ಯಸ್ಯಾ ವಾಟೀ ಹೃದಯಕಮಲಂಕೌಸುಮೀ ಯೋಗಭಾಜಾಂ

ಯಸ್ಯಾಃ ಪೀಠೀ ಸತತಶಿಶಿರಾ ಶೀಕರೈರ್ಮಾಕರನ್ದೈಃ|

ಯಸ್ಯಾಃ ಪೇಟೀ ಶ್ರುತಿಪರಿಚಲನ್ಮೌಲಿರತ್ನಸ್ಯ ಕಾಞ್ಚೀ

ಸಾ ಮೇ ಸೋಮಾಭರಣಮಹಿಷೀ ಸಾಧಯೇತ್ಕಾಂಕ್ಷಿತಾನಿ    --77

ಏಕಾ ಮಾತಾ ಸಕಲಜಗತಾಮೀಯುಷೀ ಧ್ಯಾನಮುದ್ರಾ-

ಮೇಕಾಮ್ರಾಧೀಶ್ವರಚರಣಯೋರೇಕತಾನಾಂ ಸಮಿನ್ಧೇ|

ತಾಟಙ್ಕೋದ್ಯನ್ಮಣಿಗಣರುಚಾ ತಾಮ್ರಕರ್ಣಪ್ರದೇಶಾ

ತಾರುಣ್ಯಶ್ರೀಸ್ತಬಕಿತರುಚಾ ತಾಪಸೀ ಕಾಪಿ ಬಾಲಾ    --78

ದನ್ತಾದನ್ತಿಪ್ರಕಟನಕರೀ ದನ್ತಿಭಿರ್ಮನ್ದಯಾನೈಃ

ಮನ್ದಾರಾಣಾಂ ಮದಪರಿಣತಿಂ ಮಥ್ನತೀ ಮನ್ದಹಾಸೈಃ|

ಅಂಕೂರಾಭ್ಯಾಂ ಮನಸಿಜತರೋರಙ್ಕಿತೋರಾಃ ಕುಚಾಭ್ಯಾ-

ಮನ್ತಃಕಾಞ್ಚಿ ಸ್ಫುರತಿ ಜಗತಾಮಾದಿಮಾ ಕಾಪಿ ಮಾತಾ    --79

ತ್ರಿಯಮ್ಬಕಕುಟುಮ್ಬಿನೀಂ ತ್ರಿಪುರಸುನ್ದರೀಮಿನ್ದಿರಾಂ

ಪುಲಿನ್ದಪತಿಸುನ್ದರೀಂ ತ್ರಿಪುರಭೈರವೀಂ ಭಾರತೀಮ್|

ಮತಙ್ಗಕುಲನಾಯಿಕಾಂ ಮಹಿಷಮರ್ದಿನೀಂ ಮಾತೃಕಾಂ

ಭಜನ್ತಿ ವಿಬುಧೋತ್ತಮಾ ವಿಹೃತಿಮೇವ ಕಾಮಾಕ್ಷಿ ತೇ    --80

ಮಹಾಮುನಿಮನೋನಟೀ ಮಹಿತರಮ್ಯಕಮ್ಪಾತಟೀ

ಕುಟೀರಕವಿಹಾರಿಣೀ ಕುಟಿಲಬೋಧಸಂಹಾರಿಣೀ

ಸದಾ ಭವತು ಕಾಮಿನೀ ಸಕಲದೇಹಿನಾಂ ಸ್ವಾಮಿನೀ

ಕೃಪಾತಿಶಯಕಿಂಕರೀ ಮಮ ವಿಭೂತಯೇ ಶಾಂಕರೀ    --81

ಜಡಾಃ ಪ್ರಕೃತಿನಿರ್ಧನಾ ಜನವಿಲೋಚನಾರುಂತುದಾ

ನರಾ ಜನನಿ ವೀಕ್ಷಣಂ ಕ್ಷಣಮವಾಪ್ಯ ಕಾಮಾಕ್ಷಿ ತೇ|

ವಚಃಸು ಮಧುಮಾಧುರೀಂ ಪ್ರಕಟಯನ್ತಿ ಪೌರಂದರೀ-

ವಿಭೂತಿಷು ವಿಡಂಬನಾಂ ವಪುಷಿ ಮಾನ್ಮಥೀಂ ಪ್ರಕ್ರಿಯಾಮ್    --82

ಘನಸ್ತನತಟಸ್ಫುಟಸ್ಫುರಿತಕಞ್ಚುಲೀ ಚಞ್ಚಲೀ-

ಕೃತತ್ರಿಪುರಶಾಸನಾ ಸುಜನಶೀಲಿತೋಪಾಸನಾ|

ದೃಶೋಃ ಸರಣಿಮಶ್ನುತೇ ಮಮ ಕದಾ ನು ಕಾಞ್ಚೀಪುರೇ

ಪರಾ ಪರಮಯೋಗಿನಾಂ ಮನಸಿ ಚಿತ್ಕಲಾ ಪುಷ್ಕಲಾ    --83

ಕವೀನ್ದ್ರಹೃದಯೇಶ್ವರೀ ಪರಿಗೃಹೀತಕಾಞ್ಚೀಪುರೀ

ನಿರೂಢಕರುಣಾಝರೀ ನಿಖಿಲಲೋಕರಕ್ಷಾಕರೀ|

ಮನಃಪಥದವೀಯಸೀ ಮದನಶಾಸನಪ್ರೇಯಸೀ

ಮಹಾಗುಣಗರೀಯಸೀ ಮಮ ದೃಶೋಽಸ್ತು ನೇದೀಯಸೀ    --84

ಧನೇನ ನ ರಮಾಮಹೇ ಖಲಜನಾನ್ನ ಸೇವಾಮಹೇ

ನ ಚಾಪಲಮಯಾಮಹೇ ಭವಭಯಾನ್ನ ದೂಯಾಮಹೇ|

ಸ್ಥಿರಾಂ ತನುಮಹೇತರಾಂ ಮನಸಿ ಕಿಂ ಚ ಕಾಞ್ಚೀರತ-

ಸ್ಮರಾನ್ತಕಕುಟುಮ್ಬಿನೀಚರಣಪಲ್ಲವೋಪಾಸನಾಮ್    --85

ಸುರಾಃ ಪರಿಜನಾ ವಪುರ್ಮನಸಿಜಾಯ ವೈರಾಯತೇ

ತ್ರಿವಿಷ್ಟಪಕುಟುಂಬಿನೀಕುಚತಟೀ ಚ ಕೇಲೀಗಿರಿಃ |

ಗಿರಃ ಸುರಭಯೋ ವಯಸ್ತರುಣಿಮಾ ದರಿದ್ರಸ್ಯ ವಾ

ಕಟಾಕ್ಷಸರಣೌ ಕ್ಷಣಂ ನಿಪತಿತಸ್ಯ ಕಾಮಾಕ್ಷಿ ತೇ    --86

ಪವಿತ್ರಯ ಜಗತ್ತ್ರಯೀವಿಬುಧಬೋಧಜೀವಾತುಭಿಃ

ಪುರತ್ರಯವಿಮರ್ದಿನಃ ಪುಲಕಕಞ್ಚುಲೀದಾಯಿಭಿಃ |

ಭವಕ್ಷಯವಿಚಕ್ಷಣೈರ್ವ್ಯಸನಮೋಕ್ಷಣೈರ್ವೀಕ್ಷಣೈ-

ರ್ನಿರಕ್ಷರಶಿರೋಮಣಿಂ ಕರುಣಯೈವ ಕಾಮಾಕ್ಷಿ ಮಾಮ್    --87

ಕದಾ ಕಲಿತಖೇಲನಾಃ ಕರುಣಯೈವ ಕಾಞ್ಚೀಪುರೇ

ಕಲಾಯಮುಕುಲತ್ವಿಷಃ  ಶುಭಕದಮ್ಬಪೂರ್ಣಾಙ್ಕುರಾಃ|

ಪಯೋಧರಭರಾಲಸಾಃ ಕವಿಜನೇಷು ತೇ ಬನ್ಧುರಾಃ

ಪಚೇಲಿಮಕೃಪಾರಸಾಃ ಪರಿಪತನ್ತಿ ಮಾರ್ಗೇ ದೃಶೋಃ    --88

ಅಶೋಷ್ಯಮಚಲೋದ್ಭವಂ ಹೃದಯನನ್ದನಂ  ದೇಹಿನಾ-

ಮನರ್ಘಮಧಿಕಾಞ್ಚಿ  ತತ್ಕಿಮಪಿ ರತ್ನಮುದ್ದ್ಯೋತತೇ|

ಅನೇನ ಸಮಲಂಕೃತಾ ಜಯತಿ ಶಙ್ಕರಾಙ್ಕಸ್ಥಲೀ

ಕದಾಸ್ಯ ಮಮ ಮಾನಸಂ ವ್ರಜತಿ ಪೇಟಿಕಾವಿಭ್ರಮಮ್    --89

ಪರಾಮೃತಝರೀಪ್ಲುತಾ ಜಗತಿ ನಿತ್ಯಮನ್ತಶ್ಚರೀ

ನೃಣಾಮಪಿ ಬಹಿಶ್ಚರೀ ಪರಮಸಂವಿದೇಕಾತ್ಮಿಕಾ|

ಮಹತ್ಭಿರಪರೊಕ್ಷಿತಾ ಸತತಮೇವ ಕಾಞ್ಚೀಪುರೇ

ಮಮಾನ್ವಹಮಹಂಮತಿರ್ಮನಸಿ ಹಾತು  ಮಾಹೇಶ್ವರೀ    --90

ತ್ವಮೇವ ಸತಿ ಚಣ್ಡಿಕಾ  ತ್ವಮಿಹ ದೇವಿ ಚಾಮುಣ್ಡಿಕಾ

ತ್ವಮೇವ ಪರಮಾತೃಕಾ ತ್ವಮಪಿ ಯೋಗಿನೀರೂಪಿಣೀ |

ತ್ವಮೇವ ಕಿಲ ಶಾಂಭವೀ ತ್ವಮಪಿ ಕಾಮಕೋಟೀ ಜಯಾ

ತ್ವಮೇವ ವಿಜಯಾ ತ್ವಯಿ ತ್ರಿಜಗದಮ್ಬ ಕಿಂ ಬ್ರೂಮಹೇ    --91

ಪರೇ ಜನನಿ ಪಾರ್ವತಿ ಪ್ರಣತಪಾಲಿನಿ ಪ್ರಾತಿಭ-

ಪ್ರದಾತ್ರಿ ಪರಮೇಶ್ವರಿ ತ್ರಿಜಗದಾಶ್ರಿತೇ ಶಾಶ್ವತೇ|

ತ್ರಿಯಮ್ಬಕಕುಟುಮ್ಬಿನಿ ತ್ರಿಪದಸಙ್ಗಿನಿ ತ್ರೀಕ್ಷಣೇ

ತ್ರಿಶಕ್ತಿಮಯಿ ವೀಕ್ಷಣಂ ಮಯಿ ನಿಧೇಹಿ ಕಾಮಾಕ್ಷಿ ತೇ    --92

ಮನೋಮಧುಕರೋತ್ಸವಂ ವಿದಧತೀ ಮನೀಷಾಜುಷಾಂ

ಸ್ವಯಂಪ್ರಭವವೈಖರೀವಿಪಿನವೇದಿಕಾಲಮ್ಬಿನೀ|

ಅಹೋ ಶಿಶಿರಿತಾ ಕೃಪಾಮಧುರಸೇನ ಕಮ್ಪಾತಟೆ

ಚರಾಚರವಿಧಾಯಿನೀ ಚಲತಿ ಕಾಪಿ ಚಿನ್ಮಞ್ಜರೀ    --93

ಕಲಾವತಿ ಕಲಾಭೃತೋ ಮುಕುಟಸೀಮ್ನಿ ಲೀಲಾವತಿ

ಸ್ಪೃಹಾವತಿ ಮಹೇಶ್ವರೇ ಭುವನಮೋಹನೇ ಭಾಸ್ವತಿ|

ಪ್ರಭಾವತಿ ರಮೇ ಸದಾ ಮಹಿತರೂಪಶೋಭಾವತಿ

ತ್ವರಾವತಿ ಪರೇ ಸತಾಂ ಗುರುಕೃಪಾಮ್ಬುಧಾರಾವತಿ    --94

ತ್ವಯೈವ  ಜಗದಮ್ಬಯಾ ಭುವನಮಣ್ಡಲೀ ಸೂಯತೇ

ತ್ವಯೈವ ಕರುಣಾರ್ದ್ರಯಾ ತದಪಿ ರಕ್ಷಣಂ ನೀಯತೇ |

ತ್ವಯೈವ ಖರಕೋಪಯಾ ನಯನಪಾವಕೇ ಹೂಯತೇ

ತ್ವಯೈವ ಕಿಲ ನಿತ್ಯಯಾ ಜಗತಿ ಸಂತತಂ ಸ್ಥೀಯತೇ    --95

ಚಾರಾಚರಜಗನ್ಮಯೀಂ ಸಕಲಹೃನ್ಮಯೀಂ ಚಿನ್ಮಯೀಂ

ಗುಣತ್ರಯಮಯೀಂ ಜಗತ್ತ್ರಯಮಯೀಂ ತ್ರಿಧಾಮಾಮಯೀಮ್

ಪರಾಪರಮಯೀಂ ಸದಾ ದಶದಿಶಾಂ ನಿಶಾಹರ್ಮಯೀಂ

ಪರಾಂ ಸತತಸನ್ಮಯೀಂ ಪರಮಚಿನ್ಮಯೀಂ ಶೀಲಯೇ    --96

ಜಯ ಜಗದಮ್ಬಿಕೇ ಹರಕುಟುಮ್ಬಿನಿ ನೇತ್ರರುಚಾ

ಜಿತಶರದಮ್ಬುಜೇ  ಘನವಿಡಮ್ಬಿನಿ ಕೇಶರುಚಾ|

ಪರಮವಲಮ್ಬನಂ ಕುರು ಸದಾ ಪರರೂಪಧರೇ

ಮಮ ಗತಸಂವಿದೋ ಜಡಿಮಡಮ್ಬರತಾಣ್ಡವಿನಃ    --97

ಭುವನಜನನಿ ಭೂಷಾಭೂತಚನ್ದ್ರೇ ನಮಸ್ತೇ

ಕಲುಷಶಮನಿ ಕಮ್ಪಾತೀರಗೇಹೇ ನಮಸ್ತೇ|

ನಿಖಿಲನಿಗಮವೇದ್ಯೇ ನಿತ್ಯರೂಪೇ ನಮಸ್ತೇ

ಪರಶಿವಮಯಿ ಪಾಶಚ್ಛೇದಹಸ್ತೇ ನಮಸ್ತೇ    --98

ತಮೋವಿಪಿನಧಾವಿನಂ ಸತತಮೇವ ಕಾಞ್ಚೀಪುರೇ

ವಿಹಾರರಸಿಕಾ ಪರಾ ಪರಮಸಂವಿದುರ್ವೀರುಹೇ|

ಕಟಾಕ್ಷನಿಗಲೈರ್ದೃಢಂ ಹೃದಯದುಷ್ಟದನ್ತಾವಲಂ

ಚಿರಂ ನಯತು ಮಾಮಕಂ ತ್ರಿಪುರವೈರಿಸೀಮನ್ತಿನೀ    --99

ಕ್ವಣತ್ಕಾಞ್ಚೀ ಕಾಞ್ಚೀಪುರಮಣಿವಿಪಞ್ಚೀ ಲಯಝರೀ-

ಶಿರಃಕಂಪಾ ಕಮ್ಪಾವಸತಿರನುಕಮ್ಪಾಜಲನಿಧಿಃ|

ಘನಶ್ಯಾಮಾ ಶ್ಯಾಮಾ ಕಠಿನಕುಚಸೀಮಾ ಮನಸಿ ಮೇ

ಮೃಗಾಕ್ಷೀ ಕಾಮಾಕ್ಷೀ ಹರನಟನಸಾಕ್ಷೀ ವಿಹರತಾಮ್    --100

ಸಮರವಿಜಯಕೋಟೀ ಸಾಧಕಾನನ್ದಧಾಟೀ

ಮೃದುಗುಣಪರಿಪೇಟೀ ಮುಖ್ಯಕಾದಂಬವಾಟೀ |

ಮುನಿನುತಪರಿಪಾಟೀ ಮೋಹಿತಾಜಾಣ್ಡಕೋಟೀ

ಪರಮಶಿವವಧೂಟೀ ಪಾತು ಮಾಂ ಕಾಮಕೋಟೀ    --101

ಇಮಮ್ ಪರವರ ಪ್ರಧಂ ಪ್ರಕ್ರುತಿ ಪೆಶಲಂ ಪಾವನಂ

ಪರಾಪರಾ ಚಿಧಾ ಕ್ರುತಿ ಪ್ರಕಟನ ಪ್ರಧೀಪಾಯಿತಮ್

ಸ್ತವಂ ಪಟತಿ ನಿತ್ಯದಾ ಮನಸಿ ಭಾವಯನ್ನಮ್ಬಿಕಾಂ

ಜಪೈರಲಮಲಂ ಮಖೈರಧಿಕಧೆಹ ಸಮ್ಶೊಷಣೈ:    --102